РЕПУБЛИЧКИ СОВЕТ ЗА БЕЗБЕДНОСТ НА СООБРАЌАЈОТ НА ПАТИШТАТА

Републичкиот совет за безбедност на сообраќајот на патиштата сите свои активности ги насочува во правец на реализација на Националната стратегија на Република Македонија за унапредување на безбедбоста на сообраќајот на патиштата 2009-2014, во која прва точка во главните цели е
1. Намалување на бројот на сообраќајни незгоди и нивните последици предизвикани од пречекорување на дозволената брзина на движење.
За оваа цел Мерката 1.2 гласи:
Мерка 1.2:
Намалување на сообраќајните незгоди предизвикани од пречекорување
на дозволената брзина на движење со примена на елементи за успорување на возилата при нивното движење во населени места:

1. Изведба на современи урбани сообраќајни елементи за успорување во населените места, на места опасни за безбедноста на граѓаните, вклучително и воведување зони за смирен сообраќај;
2. Мотивација на единиците на локалната самоуправа за поголема примена на современи технолошко - технички решенија за решавање на сообраќајните проблеми и иницирање изработка на адекватна проектна документација за сообраќајни решенија;
3. Поставување кружни текови и еднонасочни улици и во градските улици;
4. Примена на современи технологии за управување со сообраќајот на градските улици;

Во насока на подобра реализација Националната стратегија на Република Македонија за унапредување на безбедбоста на сообраќајот на патиштата 2009-2014, РСБСП организираше на стручен собир “Средства и методи за наменско смирување на сообраќајот“ (Сообраќајно-технички критериуми за направите за смирување на сообраќај на патишта) којашто се одржа на 29 октомври 2009 година, во Дом на АРМ во Скопје.
На стручниот собир се дискутираше за актуелната законска регулатива, примери од праксата на поставување на направите за смирување на сообраќајот во градовите во Македонија и негативните последици од направите за смирување на сообраќајот и процедури за отстранување на истите од коловозот.
На стручниот собир бе презентирани следните трудови: Презентација на актуелната законска регулатива и некои примери од праксата на поставување на направите за смирување на сообраќајот во градовите во Македонија на проф. д-р Миле Димитровски од РСБСП, Мерки за смирување на сообраќајот – најнови искуства на проф. д-р Кристи М. Бомбол од Отсек  за сообраќај и транспорт на Технички факултет, Битола, Елементите за смирување на сообраќај“ на Марјан Копевски од Министерство за транспорт и врски, Негативни последици од направите за смирување на сообраќајот и процедури за отстранување на истите од коловозот на Кузман Дамчевски од Комисија за наука, РСБСП, Проблеми на имплементација на мерките за посебните сообраќајно-технички средства за забавување на сообраќајот и нивно отстранување на Јован Христовски од  Сектор за сообраќај на Град Скопје и Технички и технолошки проблеми на автобусите на ЈСП после поставување на техничките направи за смирување на сообраќајот на Стојче Јовановски од ЈСП Скопје.

На стручниот собир бе презентирани следните трудови: Презентација на актуелната законска регулатива и некои примери од праксата на поставување на направите за смирување на сообраќајот во градовите во Македонија на проф. д-р Миле Димитровски од РСБСП, Мерки за смирување на сообраќајот – најнови искуства на проф. д-р Кристи М. Бомбол од Отсек  за сообраќај и транспорт на Технички факултет, Битола, Елементите за смирување на сообраќај“ на Марјан Копевски од Министерство за транспорт и врски, Негативни последици од направите за смирување на сообраќајот и процедури за отстранување на истите од коловозот на Кузман Дамчевски од Комисија за наука, РСБСП, Проблеми на имплементација на мерките за посебните сообраќајно-технички средства за забавување на сообраќајот и нивно отстранување на Јован Христовски од  Сектор за сообраќај на Град Скопје и Технички и технолошки проблеми на автобусите на ЈСП после поставување на техничките направи за смирување на сообраќајот на Стојче Јовановски од ЈСП Скопје.