РЕПУБЛИЧКИ СОВЕТ ЗА БЕЗБЕДНОСТ НА СООБРАЌАЈОТ НА ПАТИШТАТА

Републичкиот совет за безбедност на сообраќајот на патиштата во соработка со Ј.П. Македонски шуми на 18 февруари 2009 година организираше стручно советување на тема „Шумски патишта - експлоатација,  трансформација и еколошки аспекти”.
На советувањето со свои трудови учествуваа претставници на Ј.П. Македонски шуми, професори од Шумарскиот факултет, претставници од Агенцијата за патишта и од друштвото за патишта на Р.М.
На овој начин беа презентирани податоци и факти за шумските патишта во Републикава од повеќе аспекти, нивната состојба, искористенот, начина на изградба на шумските патишта, но и нивното одршжување и одржливост откако ќе им заврши примарната функција за транспорт на шумска граѓа од местото на сеча до производствениот погон. Исто така беа презентирани и еколошките аспекти на постоењето на шумските патишта, како и многу важната улога на овие патишта при санирањето на шумските пожари и поврзувањето на населените места во тие региони.
На советувањето беа донесени повеќе заклучоци меѓу кои и :
- Некатегори­зи­раните наменски патишта според своите конструктивни елементи, соо­бра­Ќајно – тех­нички и експлоатациони карактери­стики, состојба, опреме­ност, карактеристики и структура на сообраЌајот од аспект на безбедност на сообраќајот се со неповолности и ризици. Особено алергични се местата на приклучување со мрежата на јавните патишта. За таквите патишта потребно е да се води посебна грижа и да се изработи посебна законска и техничка регулатива и технички услови за нивно просторно планирање, проектирање, градење и одржување.
- Од суштинско значење  е да се воспо­стави континуитет во следењето (аудит) и откривањето на еле­мен­­тите на шумскиот пат, кои со конструктивните и изведени елемен­ти, создаваат или сами посебе ги содржат елементите од суштинско влија­ние за случување на сообра­ќајни незгоди со тешки последици и да се врши нивно континуирано санирање со корегирање на погрешните конструк­тивни и изведени елементи. Исто така  важно е да се пронајдат и да се вградат законски  одредби со кои ќе се условува преминот на шумскиот во јавен пат, да не се дозволи се додека не се изврши:  а. целосно изготвување на проектна документација за патот од овластени инже­нери проектанти,  б. ревизија на проектот од овластени градежни и сообраќајни инженери (реви­ден­ти) и  в. добивање писмена согласност од соодветна стручна служба на Министерството за внатрешни работи.
Советувањето беше поздравено од сите учесници, пред сe поради фактот дека шумските патишта како проблематика и многу важен сегмент на сообраќајот за прв пат се третираат од повеќе аспекти на еден заеднички собир што овозможува подобро запознавање со сите моментални позитивни и негативни искуства и состојби и можност за изнаоѓање на решенија на истите.