РЕПУБЛИЧКИ СОВЕТ ЗА БЕЗБЕДНОСТ НА СООБРАЌАЈОТ НА ПАТИШТАТА

Со цел актуелизирање на постоечките проблеми од областа на безбедноста на сообраќајот на патиштата, на 01 декември 2008 година во х. Бест Вестерн во Скопје, РСБСП организираше работилница со претставници на поголемите медиуми од Македонија.
Учесниците на работилницата беа запознати со проблематиката и им беа презентирани дел од најактуелните проблеми со кои секојдневно се сретнуваат учесниците во сообраќајот.
На работилницата се дискутираше на следните теми:

1. Запрежни коли на улиците
2. Брзо возење и трки низ улиците на градот
3. Статистики на сообраќајни несреќи и црн биланс
4. Сообраќајна некултура на возачи на велосипеди, ролери, мотори
5. Непрописно паркирање и непрописно запирање
6. Санирање и поправка на крстосници во време на сообраќаен шпиц
7. Собирање на смет за време на сообраќаен шпиц
8. Пропуштање возила на Брза Помош и Противпожарна кола
9. Непрописно влечење на кола во дефект
10. Непрописно транспортирање на товар
11. Движење на теретни камиони, и големи комбиња со товар низ булеварите и улиците

Претставниците на медиумите дадоа новинарско видување и предлози за соодветно третирање на наведените теми, како и предлози за можни начини за медиумско влијание како на одговорните институции така и за подигање на јавната свест за поголема сообраќајна култура кај нас.
Така, заклучија дека најприоритено во моментов е актуелизирањето на казните, причината за нивната примена и нивната висина воопшто. Новинарите сметаат дека сообраќајната некултура и игнорирањето на законската регулатива на одредени учесници во сообраќајот единствено може да биде анулирана преку санкции, пред сe парични.
Што се однесува до казните, новинарите изразија голема заложба за започнување на поактивна медиумската актуелизација на проблемите со кои сe повеќе се соочува македонската престолнина. Тука беа наведени проблемите со непрописно паркирање и запирање на возилата.
Исто така голем интерес на оваа работилница, беа и проблемите предизвикани од неприлагодените еднонасочни и двонасочни улици. На работилницата беше констатирана потребата од итно менување на соообраќајниот режим на одредени крстосници во градот заради зголемување на протокот на сообракајот, за што беше договорено и медиумско акутелизирање на овој мошне присутен проблем. Тука беше потенциран и проблемот со кој секојдневно се среќаваат пешаците односно  потребата од изградба на надвозници и подземни пешачки  премини.
Земајки ги во предвид предстојните новогодишнио и божиќни празници, новинарите ја посочија потребата од медиумско апелирање за почитување на  предурепдувањата на АМСМ за користење на зимска опрема и избегнување на возење во услови на магла, голомразица и останати временски непогоди. Тука повторно беше посчоена заложбата медиумитеа секојдневно да предурепдуваат од опасноста од конзумирање на алкохол во услови на учество во сообраќајот, за што беше констатирана оправданоста за примена на поголеми снакции за овие неодговорни учесници.