РСБСП

„ДА ГИ ЗАШТИТИМЕ ДЕЦАТА ВО СООБРАЌАЈОТ“
МЕСЕЦ НА БЕЗБЕДНОСТ НА ДЕЦАТА ВО СООБРАЌАЈОТ

На 17 октомври 2008 година, петок, со почеток во 10:30 часот во просториите на Републичкиот совет за безбедност на соообраќајот на патиштата се одржа прес конференција на која беа презентирани резултатите од спроведената акција на РСБСП и Мобилниот оператор Вип, „Да ги заштитиме децата во сообраќајот“.
На прес конференцијата говореа Пoтпретседателот на РСБСП, г-дин Благоја Деспотоски и главниот извршен директор на Вип оператор, г-дин Никола Љушев.
Традиционалната акција „Да ги заштитиме децата во сообраќајот“ оваа година за прв пат се спроведуваше во партнерство со Вип оператор, но и со голема соработка од страна на медиумите кои се вклучија како медиумски партнери за поуспешно спроведување на оваа акција. Поддршката од телевизиите А1, Канал 5, Телма, ТВ Ера, Алсат-м, печатените медиуми Дневник, Вест, Утрински весник, Глобус и Форум, радијата Антена 5, Фортуна, Радио Бубамара, како и Акцент Медиа и Еуролинија даде значаен придонес во зголемувањето на влијанието на акцијата.
Акцијата се одвиваше во два дела: медиумска кампања, која се состоеше од телевизиска и радио реклама и билборди и дистрибуција на едукативни материјали. Околу 50 000 едукативни летоци, 20 000 тетратки, 2 000 постери беа дистрибуирани во сите основните училишта низ цела Македонија во рамките на едукативниот карван спроведен од страна на Републички совет за безбедност на сообраќајот на патиштата поддржан од страна на Вип оператор. Поголеми манифестации на кои претставници на сообраќајната полиција ги учеа децата на основните сообраќајни правила на полигони специјално наменети за едукација на деца и млади се одржаа во Охрид, Битола, Велес, Прилеп, Куманово, Штип, Струмица, Скопје и Тетово.


	Галерија со слики од настаните


	ДА ГИ ЗАШТИТИМЕ ДЕЦАТА ВО СООБРАЌАЈОТ (ТВ реклама)

	Get the Flash Player to see this player.

РЕПУБЛИЧКИ СОВЕТ ЗА БЕЗБЕДНОСТ НА СООБРАЌАЈОТ НА ПАТИШТАТА

„ДА ГИ ЗАШТИТИМЕ ДЕЦАТА ВО СООБРАЌАЈОТ“ МЕСЕЦ НА БЕЗБЕДНОСТ НА ДЕЦАТА ВО СООБРАЌАЈОТ

АКТУЕЛНО

„ДА ГИ ЗАШТИТИМЕ ДЕЦАТА ВО СООБРАЌАЈОТ“
МЕСЕЦ НА БЕЗБЕДНОСТ НА ДЕЦАТА ВО СООБРАЌАЈОТ