РЕПУБЛИЧКИ СОВЕТ ЗА БЕЗБЕДНОСТ НА СООБРАЌАЈОТ НА ПАТИШТАТА

Републичкиот Совет за безбедност на сообраќајот на патиштата , во изминатите шест месеци од годинава  работеше во согласност со законските овластувања и задачи предвидени со Законот за безбедност на сообраќајот на патиштата, и на реализација на Програмата за работа на Советот за 2008 година, со основна задача подигнување на степенот на безбедноста на сообраќајот на патиштата и подигнување на степенот на сообраќајната култура и свест на граѓаните на Република Македонија, пред се на децата и младите.

1. РСБСП на почетокот на годинава  отвори ВЕБ страна www.rsbsp.org.mk со цел поголема јавност во работата на.Со реализација на оваа задача Советот стана достапен и отворен за пошироката јавност во РМ и во Светот.

2. Од март оваа година РСБСП со цел да се подобрат условите за работа и да се зголеми ефикасноста во функционирање на Советот, како и да се реши проблемот со немање простор за одржување на седниците на Советот и него­вите Комисии, зеде под закуп простории во населба Кисела Вода на улица Ѓорѓи Димитров број 13 (зад економското училиште). Просториите се адапти­рани  во сала за состаноци за 30 луѓе и две Канцеларии, со што во целост се реши проблемот и се создадени добри услови за работа.

3. Советот набави и патничко моторно возило Фолсваген Пасат со што донекаде се ублажи проблемот за Службени патувања. Со ова ќе се зголеми подвижноста на Советот и можноста за почеста посета и соработка со ОСБСП во Државава.

4. Со цел подигање на сообраќајната култура на децата и познавање на прописите во сообраќајот, како и за нивно образование како учесници во сообраќајот, од 01.до 03.02.2008година,во Крушево се одржа Државен квиз нат­пре­вар Колку го познаваш сообраќајот. На натпреварот учествуваа победниците од одржаните натпревари во ОУ, Општините и 8 региони. Се натпреваруваа ученици од пето до осмо оделение 8 екипи победници од регионалните нат­превари.

5. Активностите за подигнување на сообраќајното образование на децата од предучилишните установи,основните и средните училишта беше постојана грижа на РСБСП.Во оваа насока се отпочна со реализација на проектот Теа­тарска представа за деца Сакам да знам  со театарот Колозов и Тетарот во Тетово. Согласно проектот планирани се 50  театарски представи на Македон­ски јазик и 20 представи на Албански јазик,  со деца од прво до четврто одделе­ние. Во пролетниот дел се реализираа 17 представи во Скопје и Тетово од кои 10 на Македонски и 7 на Албански. Активностите продолжуваат во есенскиот период.

6. Од 21. до 24.мај во Гевгелија се одржа Државните натпревари по соо­бра­ќај  Детски семафор и Соораќајно техничка култура на младите. Оваа година натпреварите се одржаа по 40 ти пат. Во натпреварите учествуваа 198 учесник од 33 екипи од 30 ОСБСП,од основните училишта  и 31 натпреварувач од 11 екипи од Средните училишта. Натпреварувачите се натпреваруваа во тестови за проверка на знаењето по сообраќај но и вешто возење со велосипед на полигон. Победниците ќе ја представуваат нашата држава на Европскиот натпрева кој оваа година во Септември ќе се одржи во Љубљана Р.Словенија.
За прв пат Средношколците кои се натпреваруваа со Велосипед со мотор воедно полагаа за возачка дозвола М категорија пред надлежна испитна комисија  и 9 натпреварувачи се стекнаа со оваа дозвола.

7. Имајќи ги во вид последиците од се почестото возење на велосипеди со мотор и мотори РСБСП 2008 година ја прогласи за година за заштита на овие возачи. Во функција на подигање на јавната свест се изготви и отпочна со реализација на проектот БЕЗБЕДНО НА МОТОР, во првата фаза се подготвија испечатија и поделија преку дневните весници 50.000 флаери со информации за родителита за законските норми за управување на велосипед со мотор и мотор.Во Втора фаза се испечатија 30.000 флаери за возачите на Велосипед со мотор со информации неопходни за секој возач и истите преку сообраќајната полиција ,авто школите,испитните центри.и средните училишта беа поделени. Во завршна фаза е подготовка на ЦД снимено за корисниците на велосипеди со мотор и мотор кое бесплатно ќе се дели при регистрација на моторите и при полагање за дозвола за управување со мотор.

8. Имајки во вид дека пешаците и велосипедистите се најмасовната категорија на учесници во сообраќајот кои воедно се најнедисциплинирани и најнезаштитени, РСБСП отпочна со акција во која се вклучи и сообраќајната полиција.

9. РСБСП го подржа проектот Размисли дали си безбеден возач кој го реализира­ше Сојузот на жени возачи а по повод 8-ми март.

10. Со цел професионално и постојано подигање на јавната свест на граѓаните за побезбеден сообраќај РСБСП во мај склучи  договор за ангажирање на Маркетинг агенција -Креатива Нова, која ќе ги осмислува и реализира проекти­те и акциите кои ќе ги реализира РСБСП и ќе се грижи за подигнување на јавната свест.

11. Во оваа насока Советот организираше и Советување со Медиумите на кои беа детектирани проблемите и потребите на медиумите за подобар пристап до информациите од областа на сообраќајот. Беа договорени активности кои ќе ги превземе РСБСП во оваа насока со цел заеднички да се делува во подигање на јавната свест на граѓаните за постигнување поголема безбедност во сообраќајот на патиштата. Советот брзо реагирање и една од одлуките е итно да се отвори веб-портал со содржина сообраќај, со кој ќе се овозможи транспа­рентна и итворена електронска комуникација со сите субјекти

12. РСБСП во почетокот на годината ја афирмираше потребата од изгот­вување на Национална програма за унапредување на безбедноста на сообраќајот на патиштата 2008-2013година.Советот донесе одлука за отпочнување на  овој многу значаен документ кој  е еден од приоритетите на ЕУ. Во насока на реали­зација на овој документ РСБСП донесе Одлука за отварање на подсметка наменета за прибирање на неопходните финансиски средства за вклучување на домашни и стански експерти од областа на соораќајот на патиштата.Советот го прифати концептот за изработка на Националната програма, работните групи како и централното координативно тело.

13. РСБСП во првите шест месеци подржа повеќе проекти во насока на примена на научните достигнувања. Во оваа насока на 9 ти Април во Скопје во организација на РСБСП се одржа Стручно советување Одржување на патиштата од аспект на безбедноста на сообраќајот на патиштата. На советувањето зедоа учество Професори од Градежен факултет, Македонија  пат, Министерство за транспорт и врскии други заинтересирани институции и органи. Заклучоците од овој собир се многу значајни за изготвувањето на Националната Програма.

14. Делегација на Република Словенија составена од 45 луѓе на 28.03. 2008 беа во посета на РСБСП.За таа цел РСБСП организира советување во Хотел „БЕЛВИ„ во Скопје на кое што беа презентирани достигнувања во делот на безбедноста на сообраќајот на патиштата во Република Македонија, како и актуелните проблеми со кои се соочуваме,но ги слушнавме и нивните актив­ности и проблеми во реализација на поставените задачи.

15. Заради подготовка на Националната програма за унапредување на безбедноста на сообраќајот на патиштата, претставници на РСБСП во изминативе месеци беа присутни на повеќе меѓународни конгреси, советувања и стручни семинари. Во текот на Март представници на РСБСП учествуваа на 32-от стручен семинар  за сигнализација, опрема, обнова и одржување на патиш­тата и безбедноста во сообраќајот во Пореч Р.Хрватска. Исто така прет­ста­в­ници на РСБСП учествуваа и на конгресите за безбедност во сообраќајот во Брисел, Детроит и Истамбул.

16. РСБСП во овој период подржа и неколку проекти со кои ќе се подобри безбедноста во сообраќајот и тоа,
- набавка на Светлосни сообраќајни уреди и тоа 100 одбројувачи на време, 60 светлосни предупредувачи за пешачки премини, како и 40 звучни сигнални  уреди за слабовиди и слепи лица.
- за потребите на МВР Советот набави 200 рефлектирачки елеци и 200 свет­лосни стоп палки.
- РСБСП одвои средства и за подршка на Велосипедска патека која е кофи­нансирана и од Амбасадата на Велика Британија и Град Скопје, со набавка на велосипедски семафори.
- РСБСП го подржа и проектот од Штуловиот Универзитет- Студија за влија­нието на моторните возила во загадување на воздухот во Тетово.
- советот го иницираше прашањето со запрежните возила и иницираше пред надлежните органи примена на законските овластувања и одговорности.
- советот исто така го подржа и проектот за селективна употреба на запалените светла.
- согледувајки дека постои потреба за прилагодување кон територијалната поделба на Град Скопје и обврските и задачите на општините, како и заради подобрување на активноста на повисоко ниво, РСБСП одлучи во секоја од осумте општини во Скопје да формира општиински совети за безбедност на собраќајот  кои ќе функционираат како општински тела согласно ЗБС

Изготвил                                                       
Љупчо Ставрески                                           

Претседател на РСБСП
М-р Никола  Ангеловски